გამარჯობა აფხაზეთო შენი ესაა ფუტურეალისტიკური კლიპი იმის შესახებ, თუ როგორ დავკარგეთ ყველაფერი კარგი ერთად. რეჟისორი ცდილობს კიდევ ერთხელ, და ალბათ საბოლოოდ გაგვახსენოს დაკარგული სიმდიდრეები, მეგობრები, ულამაზესი ადგილები რომელიც სამუდამოდ დაიკარგა. გენიალურადაა ეს ყველაფერი გადმოცემული კადრებში, სადაც ოცნების გემი ტოვებს სანაპიროს და ჩვენგან მიდის. არის სასოწარკვეთილი მცდელობა, დაგვენახა როგორი იქნებოდა აფხაზეთი დღეს, რომ არა ომი და ნგრევა. როგორ ვივლიდით საუკეთესო საკურორტო ზონებში ექსტრა კლასის მატარებლით, გადავფრინდებოთ თვითმფინავით და მაგის დედაც ჯეკ ... მანდ ჩაგვესვლებოდეს და სულაც ავტოსტოპით მივაღწევდით დანიშნულების ადგილს! კლიპში ნაჩვენები გემი მოჩვენების მსგავსად წარმოსახვითია ყველა ოცნება, ყველა იდეა აფხაზეთის დაბრუნებასთან დაკავშირებით, ისევე როგორც კეთილი პოლიციელები და ერთ მუშტად გაერთიანებული ქართველი ერი. ისღა დაგვრჩენია ყვავილების კონით ხელში თავჩაქინდრული დავდგეთ ოცნებების სანაპიროსთან და დავემშვიდობოთ იმას, რაც არასოდეს დაბრუნდება.
| 
